Sju norske filmar får tilskot til internasjonal distribusjon

Midlane skal styrke eksporten av norsk film gjennom auka internasjonalt sal og distribusjon, og gi auka inntekter til filmens produsent. Ordninga vil også styrke norsk films publikums- og marknadsposisjon i utlandet. Tilskotet blir gitt til den utanlandske distributøren via filmens norske produsent.  

Dette er den femte søknadsrunden for tildelingar i prøveordninga for tilskot til internasjonal distribusjon.

Sju internasjonale distributørar har motteke midlar for å gjennomføre sine lanseringskampanjar for norske filmar på kinoar. 

Søknadsrunden omfatta alt frå barne- og familiefilmar til dokumentarar og skrekk. 

Her er tilskotsmottakarane

• Hene Films AS: 580.000 kroner for distribusjon av dokumentarfilmen Hiding Saddam Hussein, ved distributør Empire Distribution i Irak, Jordan og Saudi Arabia. 
• Nordisk Film Production AS: 250.000 kroner for å distribuere spelefilmen Lars er LOL, ved distributør Folkets Bio i Sverige 22.03.2024, og i Polen av Vivarto & Bomba Film 24.05.2024. Salsagent er TrustNordisk. 
• Oslo Pictures AS: 250.000 kroner for distribusjon av spelefilmen Min fantastiske fremmede, ved distributør Pyramide i Frankrike den 31.07.2024. Salsagent er Pyramide. 
• På Film AS: 225.000 kroner for å distribuere spelefilmen Victoria må dø, ved  distributør In The Air i Nederland 05.02.2025. Salsagent er LevelK.
• Einar Film Drama AS: 175.000 kroner for å distribuere spelefilmen Håndtering av udøde, ved distributør Avalon i Spania 31.05.2024. Salsagent er TrustNordisk. 
• Krystallplaneten AS: 160.147 kroner for å distribuere spelefilmen Å øve, ved distributørane Filmladen i Østerrike 20.09.2024 og Arsenal i Tyskland 05.09.2024.
• Speranza Film AS: 138.920 kroner for distribusjon av dokumentarfilmen Fedrelandet, ved distributør Strand Releasing i Nord-Amerika. Salsagent er Cinephil.

Neste frist for tilskotsordninga Internasjonal distribusjon er 15. oktober 2024 kl. 12.00. 

Les meir om tilskotsordninga her