NFI gir tilskot til bransjetiltak arrangert av filmfestivalar. Denne tilskotsordninga rettar seg mot filmfestivalar som får tilskot til drift og som i tillegg skal arrangere eitt eller fleire tiltak retta mot spesifiserte delar av den profesjonelle filmbransjen.
Vi gjer ei heilskapleg skjønnsmessig vurdering av søknadane opp mot kvarandre og legg særleg vekt på:
Tilskot kan bli vurdert i forhold til mål om kjønnsbalanse og andre satsingsområde fastsett av departementet eller NFI.
For tilskot til ekspertbesøk vil det også bli vurdert korleis internasjonale ekspertars deltaking på festivalen vil bidra til profilering og spreiing av norsk film i utlandet.
Ordninga har som mål å bidra til auka profesjonalisering, internasjonalisering og/eller kompetanseheving i den norske utøvande audiovisuelle bransjen, eller å styrke kompetansen til kinoar, distributørar, festivalar, pedagogar og andre yrkesgrupper som formidlar film.
Storleiken på tilskotet blir fastsett ut frå ei samla vurdering av søknadane og dei økonomiske rammevilkåra for ordninga. Ramma blir fordelt på dei to søknadsrundane, for så å bli fordelt på drifts- og bransjetilskot. Utvalet innstiller på heile fordelinga av tilskotsramma.
Eit utval vurderer søknadene om bransjetiltak. Utvalet består av 3-5 eksterne ekspertar, som er oppnemnde for tre år. Utvalet har brei filmfagleg kompetanse. Utvalet leverer ei grunngitt innstilling om tilskot til NFI, som fattar endeleg vedtak.
Sjå her for ei beskriving av korleis vi saksbehandlar i NFI.
