Bokmål Nynorsk

Filmfestivalar – drift

NFI gir tilskot til drift av filmfestivalar. Denne tilskotsordninga rettar seg mot arrangørar av filmfestivalar i Noreg og har publikum som hovudmålgruppe.

Kven kan søke

Arrangørar av filmfestivalar: organisasjonar, stiftingar eller selskap registrert i Einingsregisteret.
Som arrangør av ein ﬁlmfestival kan du også søke om tilskot til bransjetiltak.

Dette kan du søke om

Filmfestivalar kan søke om tilskot til å arrangere og gjennomføre filmfestival i Noreg. Vi kan gi tilskot til alle festivalens tiltak som er opne for et ordinært publikum.
Tilskot til drift kan gis i form av driftstilskot eller prosjekttilskot.
Tilskot kan også gå til å dekke festivalens prosjekt, som for eksempel programseriar med gjester, utstillingar, panelsamtaler og debattar, som naturlig høyrer inn under et festivalarrangement.
Dersom festivalen arrangerer tiltak gjennom året utanfor festivalens kjerneperiode, skal dette inkluderast i søknaden.
Dersom du får tilskot gjennom festivalordninga, vil du normalt ikkje bli prioritert for tilskot gjennom andre ordningar NFI forvaltar.

Vilkår for tilskot

Søknaden og søknadsdokument skal vere på norsk. NFI kan gjere unntak frå språkkravet på heile eller delar av søknaden. Du må søke rådgivar om dette før du sender søknaden.
For søknad om tilskot til drift må søknaden vere levert innan ein frist før driftsårets byrjing.
Søkar må ha som hovudformål å arrangere ein filmfestival med definert, tidsavgrensa periode. Ein søkar kan arrangere fleire definerte festivalar gjennom året med ulik profil.
Programmet må vere samansett og omfangsrikt.
Festivalen må vere open for eit allment publikum.

Prioritering og vekting av søknaden

Vi gjer ei heilskapleg skjønnsmessig vurdering av søknadane opp mot kvarandre og legg særleg vekt på:

Festivalens kunstnariske proﬁl og program (medrekna kvalitet og omfang)
Festivalen som regional kulturinstitusjon (kunstnarisk omdømme, publikumsoppslutning, evne til å tiltrekke seg samarbeidspartnarar (bransje, media osv.)
Korleis tiltaket bidrar til å auke mangfaldet av ﬁlmtilbod i Noreg
Festivalens fokus på kjønnsbalanse, representativitet og mangfald (gjeld stab og styre, det kunstnariske programmet og inviterte foredragshaldarar, innleiarar, filmskaparar og andre gjester)
Økonomisk, fagleg og praktisk gjennomføringsevne (økonomisk forankring i lokal og regional forvaltning, eksterne bidragsytarar, tidlegare resultat osv.)
Evne til å nå relevante målgrupper

Meir om ordninga

Tilskot til filmfestivalar skal bidra til kvalitet og breidde i filmtilbodet for vaksne og barn, og stimulere filmkulturen i Noreg.
Du kan få tilskot på opptil 60 % av festivalens totale budsjett. Budsjettet skal omfatte alle aktivitetane som festivalen søker tilskot til, også eventuelle tiltak gjennom året. Dersom festivalen retter seg mot barn og unge, kan vi gjere unntak og gje tilskot som overstig 60 % av festivalens totale budsjett.
Festivalar med søknadsbeløp under 100.000 kroner kan ikkje rekne med å bli prioritert.
Du må oppgi alle andre tilskot ﬁlmfestivalen får.
For festivalar som får tilskot i form av driftstilskot gjeld at samla oﬀentleg tilskot ikkje kan vere høgare enn det som er nødvendig for å dekke driftskostnader og det som skal til for at festivalen går med et rimeleg overskot. Grensa for tilskot står i gruppeunntaksforordninga (EU) nr. 651/2014 artikkel 53 (7) og (8).
For en nærare avgrensing av kva tilskotet kan gå til, se opplistinga av godkjente driftskostnader i gruppeunntaksforordninga (EU) nr. 651/2014 artikkel 53 nr. 5.
- Prosjektbeskriving (beskriving av festivalens overordna formål og målsetting, og alle aktivitetar/tiltak med målgrupper, fagleg innhald og plan for gjennomføring)
- Budsjett (i tråd med prosjektbeskriving og tilhøyrande tiltak)
- Finansieringsplan der all finansiering (inntekter og andre tilskot) er spesifisert
- Ei beskriving av kvalifikasjonane festivalens nøkkelpersonar har som arrangør
- Tidlegare oppnådde resultat og høgdepunkt som viser festivalens kvalitet
Eit utval vurderer søknadene om festivaltilskot. Utvalet består av 3-5 eksterne ekspertar, som er oppnemnde for tre år. Utvalet har brei filmfagleg kompetanse. Utvalet leverer ei grunngitt innstilling om tilskot til NFI, som fattar endeleg vedtak. Sjå her for ein beskriving av korleis vi saksbehandlar i NFI.
Ein søknad om tilskot til bransjetiltak kan sendast inn til same søknadsfrist som søknaden om tilskot til drift. Det er også mogleg å sende inn eigen søknad om bransjetiltak til neste søknadsfrist, under føresetnad av at festivalen allereie har fått tilskot til drift for det rekneskapsåret bransjetiltaket skal arrangerast.
Alle som søker må levere eigenmelding om inkludering. Formålet med eigenmeldinga er å bevisstgjere og ansvarleggjere bransjen, så det blir skapt prosjekt som tek fleire stemmer i bruk, og som totalt sett opplevast som relevante for alle lag av befolkninga.
Eigenmeldinga skal gjere greie for inkludering og representativitet i skapar-, innhalds-, og brukarleddet. Søkaren skal vise korleis inkludering og representativitet er ivareteke med omsyn til diversitet i form av enten kjønn, alder (barn, unge, seniorar), funksjonsevne, etnisitet, urfolk, nasjonale minoritetar, seksuell orientering, geografisk tilhøyrsle eller sosial bakgrunn.
Her kan du lese meir om eigenmeldinga.

Kontaktpersoner

Ole Petter Bakken

Rådgiver formidling

+47 930 98 161 [email protected]