Filmklubbverksemd

Kven kan søke

Profesjonelt drivne medlemsorganisasjonar med heilårsdrift, som legg til rette for og organiserer filmklubb i Noreg. Verksemda må vere registrert i Einingsregisteret. 

Dette kan du søke om 

• Driftsmidlar (for eksempel lønns- og styrekostnader, husleige og andre driftskostnader).
• Midlar til å dekke kostnader knytt til felles tiltak for medlemsklubbane i regi av medlemsorganisasjonen (for eksempel nasjonale eller regionale seminar, felles innkjøp av filmkopiar, filmrettar).
• Midlar til spesielle tiltak arrangert av filmklubbane som går ut over ordinær filmklubbdrift (for eksempel utekino, seminar, regissørbesøk).
• Satsingar som går utover årleg drift og programmering (for eksempel spesielle investeringar eller prosjekt).

For ei nærare avgrensing av kva tilskotet kan gå til, se opplisting av godkjente driftskostnadar i gruppeunntaksforordninga (EU) nr. 651/2014 artikkel 53 nr.5.

Vilkår for tilskot 

• Du må levere fullstendig søknad før driftsåret startar.
• Søknad må sendast inn gjennom NFI sin søknadsportal. Søknader sendt inn på annan måte vil ikkje bli behandla.
• Får du tilskot under denne ordninga, vil du normalt ikkje bli prioritert for tilskot til filmformidlingstiltak under andre av NFI sine tilskotsordningar.
• Søknaden og søknadsdokument skal vere på norsk. NFI kan gjere unntak frå språkkravet på heile eller delar av søknaden. Du må søke rådgivar om dette før du sender søknaden.

Prioritering og vekting av søknaden

Vi gjer ei heilskapleg skjønnsmessig vurdering av søknadane. 

Følgande faktorar har betydning for vurderinga:

• Medlemsorganisasjonens evne til å stimulere interessa for filmhistorie og filmkunst i Noreg, gjennom filmklubbverksemda lokalt og regionalt.
• Aktivitetsnivå (både prosjekt og tiltak nasjonalt og omfanget av aktivitetar lokalt i klubbane).
• Aktivitetar retta mot barn og unge.
• Medlemsorganisasjonens bidrag til å rette fokus på kjønnsbalanse, diversitet, mangfald og medverknad for barn og unge.
• Økonomisk, fagleg og praktisk gjennomføringsevne.

Vi vil prioritere søkarar med relevante profesjonelle erfaringar og gode tidlegare resultat.

Meir om ordninga