Innkjøpsordninga for spel

Kven kan søke

• Produsentar av norske spel. Med norske spel meinast her spel som er utvikla av ein norsk hovudprodusent.
• Søker må vere registrert i Einingsregisteret, og ha retten til å selja spelet.

Dette kan du søke om

• Du kan søke om innkjøp av eit utgitt, norskutvikla dataspel til alle plattformer det er tilknytta, både i fysisk utgåve og/eller i digital utgåve til utlån, nedlasting og bruk av og i biblioteka.
• Du kan søke med same spel til fleire plattformer.
• Du kan søke med eldre titlar om spelet gis ut til ein ny plattform, eller i ein oppdatert/utvida versjon. Dette gjeld også spel som NFI har kjøpt inn tidlegare.
• Du kan søke om tilskot til å utgje spelet i fysisk versjon som del av innkjøpet. Du må da dokumentere kva trykkekostnader som vil koma til. NFI vil kunne dekke opp til 100.000 kroner av slike kostnader.
• Tal på eksemplar som blir kjøpt inn

  Tal på eksemplar per plattform varierer og blir vurdert på bakgrunn av ordningas prioriteringskriterier (sjå avsnittet Saksbehandling og Prioritering og vekting av søknader), og etter kor anvendeleg spelplattforma er for biblioteka.

  NFI kan vurdere innkjøp av fleire eksemplar av allereie innkjøpte spel om dei blir etterspurde av biblioteka.

Vilkår for innkjøp 

• Du må ha rettane til å selje spelet (kodar /nøklar/ eksemplar som du tilbyr til bibliotekbruk). Spelprodusenten vil sjølv stå ansvarleg for at eventuelle avtaler med tredjepart ikkje strider med avtaler som blir inngått med NFI.
• Det skal ikkje vere kjøp eller reklame i spelet.
• Du må levere speleksemplar, bruksrettleiing og andre krav til innlevering som NFI etterspør i samsvar med tilskotsbrev.
• Du må tilby support og vedlikehald av eventuelle lenker i inntil to år.
• Nedlastbare spel må leverast med kodar/nøklar til å løyse inn spelet. Kodane må vere gyldige i minimum to år, eller leverast i fleire omgangar.
• Spel i fysisk versjon må leverast til NFI, eller anna avtalt mottaksstad på forhånd. NFI tar kostnaden med å sende spelet vidare til biblioteka.

Prioritering og vekting av søknader

Spela blir vurderte på bakgrunn av ordningas retningslinjer. Det blir gjort ei skjønnsmessig vurdering av innkomne søknader. Det blir lagt særleg vekt på:

• Om spelet er for barn og unge
• Om spelet er på norsk eller samiske språk
• Mangfald i tematikk, sjangrar og uttrykk
• Spelets kvalitet
• Spelets anvendelegheit i bibliotek (basert på tema, målgruppe, plattform)
• Utgivingsdato. Nyare spel vil bli prioriterte

Meir om ordninga