Bokmål Nynorsk

Lokale kinotiltak

NFI gir prosjekttilskot til aktivitetar som gir auka breidde og kvalitet i filmtilbodet på den lokale kinoen, og marknadsføring av desse. Denne tilskotsordninga rettar seg mot etablerte kinoar i Noreg med visning av film som hovudformål.

Kven kan søke

Alle etablerte kinoar i Noreg med visning av ﬁlm som hovudformål, og betaler avgift i samsvar med § 3-1 i forskrift om ﬁlm og videogram.

Dette kan du søke om

Du kan søke om prosjekttilskot til aktivitetar knytt til ei filmvisning som gir auka breidde og kvalitet i filmtilbodet på den lokale kinoen, og marknadsføring av desse.
Seminar, foredrag eller debatter med fokus på ﬁlm (tiltaket må omfatte visning av film)
Tematiske programkonsept
Filmfestivalar i regi av kinoen (inntil 100.000 kroner)
Større visningsarrangement som utekino eller liknande
Reise og opphald for gjester
Honorar
Leige av visningsteknisk utstyr
Marknadsføringstiltak og meir
Vi dekker normalt ikkje filmkostnader knytt til filmar i norsk distribusjon
Du kan søke om tilskot til ﬂeire tiltak samtidig, som samla bidrar til å nå ei felles målsetting.

Vilkår for tilskot

Søknaden og søknadsdokument skal vere på norsk. NFI kan gjere unntak frå språkkravet på heile eller delar av søknaden. Du må søke rådgivar om dette før du sender søknaden.
Du må levere fullstendig søknad innan søknadsfristens utløp.
Tiltakets startdato må vere minst to månader etter søknadsfrist.
Du må oppgi all anna oﬀentleg støtte prosjektet får eller som det vert søkt om.
Samla oﬀentleg støtte kan ikkje vere høgare enn det som er nødvendig for å dekke dei relevante kostnadene for prosjektet i den aktuelle perioden.

Prioritering og vekting av søknaden

Vi gjer ei heilskapleg skjønnsmessig vurdering av søknadane opp mot kvarandre og legg vekt på:

Korleis tiltaket vil bidra til breidde og kvalitet i filmtilbodet, og komplementere det ordinære kinotilbodet på staden.
Målgruppa for tiltaket, og korleis de skal nå denne. Her vil vi også legge vekt på langsiktig strategi for å nå nye målgrupper
Den totale effekten av tiltaket. Korleis det bidrar til å stimulere filmkulturen og profilere kinoen som lokal kulturinstitusjon.
Originalitet og nyskaping, og i kva grad tiltaket skil seg frå kinoens eksisterande tilbod.
Økonomisk, fagleg og praktisk gjennomføringsevne. Dette gjeld både kinoen og nøkkelpersonar i prosjektet.
I kva grad tiltaket bidrar til å nå måla i prioriterte satsingsområde vedtatt av Kulturdepartementet eller NFI, samt oppretthalde ein desentralisert kinokultur.

Meir om ordninga

Denne tilskotsordninga skal legge til rette for gode møte mellom film og publikum, og bidra til å styrke kinoens posisjon som kulturformidlar lokalt.
Vi fastset storleiken på tilskotet ut frå ei samla vurdering av tiltaka, og dei økonomiske rammevilkåra for ordninga.
- Kort informasjon om kinoverksemda, samt opplysningar om kvaliﬁkasjonar og kompetanse til nøkkelpersonar i prosjektet
- Prosjektbeskriving
- Budsjett, der alle kostnader er spesifisert, og der det tydeleg kjem fram kva kostnader du søker NFI om tilskot til å dekke
- Finansieringsplan der all ﬁnansiering er spesiﬁsert. Dette inkluderer billettinntekter og andre salsinntekter direkte knytt til tiltaket
Vi gir ikkje tilskot til tiltak som er knytt opp mot ein norsk films primære lansering i Noreg, som overlappar med tilskot til lansering av film og seriar i Noreg. Vi kan gjere unntak dersom visning av ﬁlmen ikkje er ein del av den aktuelle filmens primære lansering i Noreg, men inngår i eit tiltak som elles fell inn under formålet med tilskot til lokale kinotiltak.
Det er ingen relevante malar for denne ordninga
Rådgivar hos NFI behandlar søknaden.
Sjå her for ei gjennomgang av korleis vi saksbehandlar i NFI.
Alle som søker må levere eigenmelding om inkludering. Formålet med eigenmeldinga er å bevisstgjere og ansvarleggjere bransjen, så det blir skapt prosjekt som tek fleire stemmer i bruk, og som totalt sett opplevast som relevante for alle lag av befolkninga.
Eigenmeldinga skal gjere greie for inkludering og representativitet i skapar-, innhalds-, og brukarleddet. Søkaren skal vise korleis inkludering og representativitet er ivareteke med omsyn til diversitet i form av enten kjønn, alder (barn, unge, seniorar), funksjonsevne, etnisitet, urfolk, nasjonale minoritetar, seksuell orientering, geografisk tilhøyrsle eller sosial bakgrunn.
Her kan du lese meir om eigenmeldinga.

Kontaktpersoner

Ole Petter Bakken

Rådgiver formidling

+47 930 98 161 [email protected]