Fellestiltak for spelbransjen

Kven kan søke

• Verksemder som tek på seg ansvaret for å arrangere, koordinere og gjennomføre felles bransjetiltak for den norske spelbransjen.
• Søkar må vere ein organisasjon, stiftelse eller føretak registrert i det norske Einingsregisteret. 
• Søkaren skal kunne dokumentere tilfredsstillande økonomisk, fagleg og praktisk evne til å gjennomføre prosjektet og vere ansvarleg for rekneskapen i prosjektet.

Dette kan du søke om

• Det kan gis tilskot til felles profileringstiltak nasjonalt og internasjonalt, og andre aktivitetar som skaper offentleg merksemd rundt norske dataspel.
• Det kan gis tilskot til kompetansehevande arrangement, seminar og bransjetiltak som har den produserande spelbransjen som målgruppe.
• NFIs tilskot går til å dekke relevante kostnader for gjennomføringa av tiltaket.
• Det blir ikkje gitt tilskot til fellestiltak som gjeld enkeltståande spel.

Vilkår for tilskot

• Du må levere fullstendig søknad før du begynner på arbeidet som du søkar tilskot til.  
• Søknaden og søknadsdokument skal vere på norsk. NFI kan gjere unntak frå språkkravet på heile eller delar av søknaden. Du må søke rådgivar om dette før du sender søknaden. 
• Kompetansehevande tiltak skal ha den produserande spelbransjen som målgruppe.

Prioritering og vekting av søknaden

Vi gjer ei heilskapleg og skjønnsmessig vurdering av søknadane og vil prioritere prosjekt som:

• Har brei representasjon frå bransjen,
• Vil bidra til å styrke den norske spelbransjen på sikt, og/eller
• Skaper merksemd rundt norske spel.

Forventa samla effekt av tiltaket, eigeninnsats og faglege og økonomiske samarbeid vil bli lagt vekt på.

Vi kan prioritere tiltak som bidrar til å betre kjønnsbalansen i den norske spelbransjen.

Vi kan prioritere tiltak som bidrar til auka mangfald og representativitet.

Vi kan prioriterer tiltak som bidrar til å oppfylle satsingsområde fastsett av Kulturdepartementet og/eller NFI.

Meir om ordninga