NFI gir tilskot til distribusjon av utanlandsk kvalitetsfilm på kino og andre visningsplattformer i Noreg. Denne tilskotsordninga rettar seg mot etablerte norske filmdistributørar.
Kven kan søke
Organisasjonar, stiftelsar eller selskap registrert i Einingsregisteret, som distribuerer utanlandsk film av høg kulturell verdi og kunstnarisk kvalitet til Noreg.
Søkaren skal kunne dokumentere tilfredsstillande økonomisk, fagleg og praktisk evne til å gjennomføre prosjektet.
For å søke om pakketilskot må selskapet kunne vise til relevant erfaring frå dei siste tre åra.
Dette kan du søke om
Tilskot omfattar kostnader til distribusjon og marknadsføring for heile distribusjonsløpet til filmen: På kino, video og andre plattformer.
Du kan søke om pakketilskot og/eller enkelttilskot
Tilskot kan gå til å dekke kostnader til distribusjon, for eksempel:
Kjøp av filmrettar (minimumsgaranti)
Teksting
Utvikling av norske og samiske versjonar (dubbing) av barnefilm.
Klargjering for kino og andre plattformer
Marknadsføring og formidlingstiltak, for eksempel:
Mediekjøp
Marknadsføring og PR
Nyskapande lanseringstiltak
Utarbeiding og publisering av undervisningsopplegg til Skolekinovisningar
Tilskotet kan ikkje overstige 50% av godkjente regnskapsførte kostnader per film.
For barne- og ungdomsfilm, filmar frå Afrika, Sør-Amerika, Mellom- Amerika og Asia kan ikkje tilskotet overstige 70% av godkjente regnskapsførte kostnader per film.
Vilkår for tilskot
Filmen må ha en varigheit på 60 minuttar eller meir, men kan omfatte ei samling av kortfilmar med tilsvarande total lengde.
Distributøren må dokumentere rettar til dei formata og plattformene filmen skal lanserast på. Rettane må minimum vere på 6 månader.
Filmen som tilskotet blir brukt til skal vere tilgjengeleg for alle plattformer/visningsstader som ønsker å vise filmen offentleg til ordinære marknadsmessige vilkår. Du kan til dømes ikkje avgrense visning til visningsplattformer du sjølv er eigar av, eller har vesentlege forretningsmessige bindingar til.
Filmar som tilskotet nyttast til må ha med NFIs vignett i fortekst, og NFIs logo i promomateriell. Vignetten kan brukast i forteksten til utanlandske filmar som har mottatt tilskot til distribusjon av NFI. Last vignetten ned her.
Vi gjer ei heilskapleg skjønnsmessig vurdering av søknadane opp mot kvarandre og legg særleg vekt på:
Prosjektbeskriving og lanseringsstrategi
Pakketilskot: Her vurderer vi distributøren sitt prosjekt og korleis eit planlagt repertoar av filmar bidrar til kunstnarisk kvalitet, breidde og mangfald i filmtilbodet i Noreg, og behovet for tilskot for å nå fram til målgruppa. Samt lanseringsstrategien inkludert involvering av strategiske partnarar både i og utanfor filmfeltet.
Enkelttilskot: Vi vurderer lanseringsstrategiens planer for samarbeid med andre aktørar, i og utanfor filmfeltet, og de planer som er lagt for å nå forskjellige målgrupper gjennom ulike marknadsføringstiltak. Samt lanseringsstrategien inkludert involvering av strategiske partnarar både i og utanfor filmfeltet.
Film for barn og unge og film frå Afrika, Sør-Amerika, Mellom-Amerika og Asia kan bli prioritert.
Økonomisk, fagleg og praktisk gjennomføringsevne
Her vurderer vi relevante profesjonelle resultat hos søkar og/ eller andre nøkkelpersonar i prosjektet. nøkkelpersonar i prosjektet.
Vi vurderer økonomisk gjennomføringsevne opp mot prosjektbeskriving og soliditet i selskapet. Vi vurderer om eit relevant utval tidlegare lanserte filmar oppnår formålet med ordninga. Vi ser på distributøren sin evne til samarbeid med visningsaktørar og andre partnarar, og evne til å nå fram til publikum. Desse områda vurderast også opp mot dei ambisjonane som ligg i søknaden.
Meir om ordninga
Distributørar som har mottatt pakketilskot skal sjølve fordele midlane på kostnader til det talet og typen filmar dei har fått tilskot til, innanfor ei ramme på 50.000 - 250.000 kroner per film (Kostnader til versjonering opp mot 320.000 kroner kjem i tillegg).
Dersom ein distributør ikkje har søkt om midlar til barnefilm i pakken, eller vil bruke mottatt pakketilskot til distribusjon av fleire barnefilmar enn det som er satt opp som ein føresetnad for pakken, kan ein i tillegg søke om enkelttilskot til versjonering for disse filmane.
Søknader om enkelttilskot på filmar som tidlegare har fått avslag, vil ikkje bli gitt ny vurdering med mindre det finnast vesentlege endringar i lanseringsplanen for filmen.
Du må bruke tildelt pakketilskot på enkeltfilmane i det tidsrommet som gjeld for pakketilskotet. Distributørar som har brukt pakketilskot før perioden er omme, vil normalt ikkje bli prioritert for tilskot til enkeltitlar i den resterande delen av perioden.
Søker må fortløpande informere NFI om kva filmar pakken skal nyttas til, i forkant av lansering.
Tilskotet kan nyttast til filmar med norsk minoritetsprodusent som har fått produksjonstilskot frå Sørfond.
Tilskotet kan ikkje nyttast til filmar med utanlandsk hovudprodusent og norsk minoritetsprodusent som kvalifiserer til lanseringstilskot frå NFI.
Formålet med ordninga er å bidra til kvalitet og bredde i filmtilbodet i Noreg, og auke tilgangen til kvalitetsfilm for barn på kino og andre plattformer.
Tilskot til distribusjon av ein enkelt film opp til 130.000 kroner.
Tilskot til versjonering (dubbing) av barnefilm på opp til 160.000 kroner for norsk versjonering. I tillegg til dette kan ein søke 160.000 kroner for samisk dubbing. Søknader om samisk dubbing må ha en intensjonsavtale om medfinansiering av dubbing med Internasjonalt Samisk Filminstitutt for å kvalifisere for tilskot.
Pakketilskot for distribusjon av 3-10 filmar som har premiere mellom 1. januar 2025 og 31. desember 2025, avgrensa til 1.300.000 kroner.
Prosjektbeskriving og lanseringsstrategi
Budsjett med godkjente kostnader ved søknad om enkelttittel
Beskriving av tidlegare oppnådde resultat på eit relevant utval filmar dei siste to åra som søker meiner oppnår formålet med ordninga
Finansieringsplan kor all finansiering er spesifisert
Beskriving av selskapets profil og kvalifikasjonar
Ved søknad om pakketilskot, skal også selskapets årsregnskap leggast ved
Eit utval vurderer søknadene om pakketilskot og enkelttilskot. Utvalet består av tre eksterne ekspertar, som blir oppnemnde for 3 år og har brei filmfagleg kompetanse. Det Det er Film & Kino, Norske filmdistributørers forening og NFI som har nominert kandidatar til utvalet. Utvalet tilrår innstilling til vedtak. På bakgrunn av deira tilråding vil NFI utarbeide innstilling til vedtak om tildeling av tilskot. Vedtaket blir fatta av NFI.
Sjå her for ei skildring av korleis vi saksbehandlar i NFI.