Lansering av film og seriar i utlandet

Kven kan søke

• Uavhengige produksjonsselskap i Noreg eller innanfor EØS som har audiovisuell produksjon som hovudformål
• Verksemda kan ikkje ha det offentlege som hovudeigar eller ha vesentlege forretningsmessige forbindelsar til prosjektets primære visningsplattform.
• Verksemda må vere organisert som aksjeselskap 
• Verksemda må vere registrert i det norske einings- eller føretaksregisteret
• For tilskot til lansering etter § 3-11 kan det i særlege tilfelle gjerast unntak frå kravet om at føretaket ikkje har det offentlege som hovudeigar 
• Vi kan godta at søker har anna organisasjonsform eller utan nøkkelmedarbeidarar med betydeleg profesjonell erfaring. I vurderinga skal det leggast vekt på prosjektets størrelse, kompleksitet og budsjett

Dette kan du søke om

• Du kan søke om tilskot til lansering av audiovisuelle verk på festivalar, salsmarknader eller andre relevante arenaer. Sjå lista over prioriterte festivalar og marknader.
• Relevante lanseringstiltak

  • Outreach-kampanjar, det vil seie lansering mot ein marknad gjennom samarbeid med tredjepart (f.eks ideelle organisasjonar)
  • Nyskapande lanseringstiltak
  • Deltakar-/marknadsavgift
  • Reisekostnader til regissør, produsent og eventuelt andre nøkkelpersonar
  • Mediekjøp
  • Marknadsføring og PR
  • Internasjonal presseagent (inntil 50 % av totalbudsjett)
  • For -og etterarbeid med den aktuelle lanseringa (inntil 10% av totalbudsjett)
  • Produksjon av relevant visningsmateriell
  • Påmeldingsavgift festivalar (gjeld berre kortfilm) og kostnader til administrasjon
  • Oscar-kampanje

Vilkår for tilskot 

• Prosjektet må vere ferdig produsert og i sin primære lanseringsfase. For utlandet betyr det normalt 12 månader etter norsk eller internasjonal premiere/utgiving.
• For lansering på salsmarknader er det tilstrekkeleg at det er tatt produksjonsavgjerd. Dette gjeld alle format.
• Du må ha rettane til å lansere prosjektet.
• Produsenten må vere til stades på salsmarknadene/messene.

Prioritering og vekting av søknaden

Vi gjer ei heilskapleg vurdering av lanseringsplan, kva forventa salspotensial verket har, og arenaens posisjon internasjonalt. Verk med førehandstilskot kan bli prioritert.

• Det blir lagt vekt på erfaring og tidlegare resultat, samt verksemdas overordna strategi for internasjonal satsing.
• Tilskot til deltaking på salsmarknader blir gitt primært til verk som vurderast å ha eit særskilt høgt internasjonalt potensial, og der det blir lagt opp til lanseringsaktivitetar utover det som kan forventast å ligge i ordinær avtale med salsagent.

Meir om ordninga