I mai 2024 justerte Norsk filminstitutt fondsbudsjettet for 2024. Her vart det fordelt 3.000.000 kroner i ekstra midlar til lansering av film på kino, retta mot ungdom. Filmar som har premiere i perioden frå 1. august 2024 til 31. desember 2024, og som oppfyller vilkår for å søke ordinært lanseringstilskot (Lansering av film og seriar i Noreg), kan søke om inntil 500.000 kroner i ekstra lanseringstilskot.
Relevante tiltak kan vere:
Vi gjer ei heilskapleg vurdering av tiltaket og korleis det bidreg til føremålet med denne utlysinga. NFI kan prioritere nyskapande tiltak, eller tiltak som inkluderer medverknad frå ungdom.
Tilskot til lansering skal bidra til å auke produksjonsføretakets inntekter frå verket på alle plattformar, og bidra til at kvart audiovisuelt verk når sitt optimale publikumspotensial og hevdar seg internasjonalt.
Oppslutninga om lokalt innhald blant ungdom er sviktande. Dette er ei publikumsgruppe NFI ser på som viktig å nå. Derfor blir det nå utlyst ekstra midlar til filmar som har lanseringskampanjar med eigne spissa tiltak for å treffe ungdom.
Du kan søke om maksimalt 500.000 kroner i tilskot. Eigenandelen av finansieringa i denne ordninga må vere minimum 25 % av godkjente rekneskapsførte kostnader.
Ekstra lanseringstilskot pluss ordinært lanseringstilskot kan til saman ikkje overstige 75 % av godkjent budsjett i den ordinære lanseringssøknaden eller maksimalt 3.100.000 kroner.
Detaljerte krav til søknaden finn du i søknadsskjema, og vi ber om følgande vedlegg:
Søknaden blir behandla av lanseringsrådgivar som innstiller til vedtak.
Ekstra lanseringstilskot vil bli utbetalt i éin rate.
Ekstra lanseringstilskot skal reviderast saman med ordinært lanserings- og produksjonsrekneskap.
Sjå her for ei gjennomgang av korleis vi saksbehandlar i NFI.
I samband med utbetalingsoppmoding om 2. rate må det også leggjast ved ei beskriving og vurdering av kampanjen. Ytterlegare krav til rapportering kan framkomme i eit eventuelt tilskotsbrev.