NFI gir tilskot til samproduksjon av dramaseriar etter konsulentvurdering. Ordninga er retta mot norske dramaserieprodusentar som ønsker å samprodusere med utanlandske hovudprodusentar. Serien må ha ein vesentleg norsk kreativ andel.
Prosjekt under denne ordninga blir vurderte på bakgrunn av:
Vi vil prioritere tilskot som bidrar til å løfte seriens kvalitetar utover det dei respektive visningsplattformene bidrar med.
Vi kan prioritere seriar retta mot målgruppa barn og unge, samt originalskrivne seriar og produksjonar med internasjonalt potensiale.
Vi kan prioritere prosjekt som bidrar til betre kjønnsbalanse.
Vi kan prioritere prosjekt som bidrar til auka mangfald og representativitet.
Tilskotsordninga skal bidra til å auke norske dramaseriars moglegheiter for internasjonal finansiering, til å nå nytt publikum i andre land, og stimulere til profesjonalisering av bransjen gjennom auka internasjonalt samarbeid.
Støtte til samproduksjonar skal også bidra til kvalitet og mangfald i tilbodet til publikum i Noreg, speile breidda i det norske samfunnet, inkludert tilbod til barn og unge.
Tilskot til samproduksjon blir gitt som toppfinansiering for å sikre kvalitet og kunstnarisk løft i produksjonen, og føreset at ei visningsplattform gjennom kjøp av visningsavtale er hovudfinansiør av den norske andelen i prosjektet.
Storleiken på beløpet blir fastsett ut frå ei samla vurdering av tiltaka som er beskrivne i søknaden.
Du må ha satt deg inn i korleis NFI jobbar med samproduksjon og Den europeiske samproduksjonskonvensjonen.
Du finn alle detaljerte krav til søknaden i søknadsportalen.
Søknaden vurderast av konsulent og produksjonsrådgivar.
Sjå her for ei beskriving av korleis vi saksbehandlar i NFI
Dato for vedtak | Prosjekttittel | Ordning | Søker | Tildelt | Utvid for flere detaljer |
---|---|---|---|---|---|
Ingen resultater |