Samproduksjon av spelefilm med utanlandsk hovudprodusent

Kven kan søke

• Søkaren skal vere eit uavhengig produksjonsselskap som er etablert i Noreg eller i eit anna EØS-land, og som har audiovisuell produksjon som hovudformål
• Søkar må vere prosjektets minoritetsprodusent.
• Produksjonsselskapet kan ikkje ha det offentlege som hovudeigar eller ha vesentlege forretningsmessige forbindelsar til prosjektets primære visningsplattform.
• Søkaren skal kunne dokumentere tilfredsstillande økonomisk, fagleg og praktisk evne til å gjennomføre prosjektet og vere ansvarleg for rekneskapen i prosjektet. Sjå også vilkår for tilskot.
• Føretaket må vere organisert som aksjeselskap og vere registrert i det norske einings- eller føretaksregisteret 

Dette kan du søke om

• Du kan søke om tilskot til produksjon.
• Norsk budsjett kan inkludere følgande kostnader

  • Kostnader produksjonen har i Noreg 
  • Honorar til norske filmarbeidarar og/eller skodespelarar. Gjeld også for arbeid utanfor Noreg
  • Kostnader knytt til honorara til norske medarbeidarar, som for eksempel forsikring, reise, diett og opphald.
  • Honorar til samprodusent som kan vere inntil 10% av norsk budsjett, men maksimalt 400.000 kroner inkludert sosiale kostnader. NFI kan i særskilde tilfelle gi unntak frå denne avgrensinga.
  • Alle norske leverandørtenester, også utanfor Noreg, og eventuell transport, forsikring, toll og avgifter i samband med dette
  • Administrasjonsgodtgjersle som kan vere inntil 7 % av netto norsk budsjett, men maksimalt 500.000 kroner. NFI kan i særskilde tilfelle gi unntak frå denne avgrensinga.
  • Uforutsette utgifter kan vere inntil 5 % av netto norsk budsjett. Føresetnaden er at opptaka blir gjort i Noreg, og at det står spesifisert i samproduksjonsavtalen mellom partane
  • Ein norsk filmarbeidar er anten ein som er busett (oppført i folkeregisteret) i Noreg eller ein flyktning som søker opphald og enno ikkje har fått bustadsadresse. 
• Kostnader som ikkje godkjennast

  • Diettar/dagpengar (per diem) til utanlandsk stab eller skodespelarar, eller reisekostnader for disse til og frå Noreg.
  • Honorar til utanlandske filmarbeidarar og/eller skodespelarar.

Vilkår for tilskot 

• Du må sende inn søknaden før du begynner på arbeidet som du søkar tilskot til.
• Du må som minoritetsprodusent ha eigardel i det audiovisuelle verket.
• Nøkkelpersonar i prosjektet må ha betydeleg profesjonell erfaring innan sitt fagfelt.
• Prosjektet må oppnå minimumskravet i poengskjema for samproduksjonar. Du finn lenke til poengskjema under relevante malar lenger ned på sida.
• Prosjektet må vere godkjent som kulturprodukt i opphavslandet eller av NFI. For søkarar med hovudprodusent frå land utan kompetent myndigheit til slik godkjenning, vil tilskotsforvaltar vurdere om prosjektet er eit kulturprodukt. 
• Produsenten må ha inngått ein intensjonsavtale med ein distributør for kino eller anna dokumenterbar visningsplattform. Visningsplattforma må vere tilgjengeleg for alle i Noreg, og ha ein brei marknadsandel i Noreg.
• Dersom det er søkt med same prosjekt i denne ordninga meir enn to gonger tidlegare, skal det leverast ein oversikt over kva substansielle endringar som er gjort i prosjektet sidan førre søknad. 

Prioritering og vekting av søknaden

Ved gjennomgang av poengskjema vurderast:

• Samarbeid mellom produsentane
• Prosjektets kreative og tekniske bidrag
• Den norske andelen av filmens budsjett

NFI vil prioritere:

• Filmar som har nasjonalt tilskot frå hovudprodusent
• Filmar som viser kunstnarisk dristigheit eller nyskapning
• Filmar som når eller utfordrar eit stort publikum i Noreg eller internasjonalt
• Søkarar som er medlem av Den europeiske samproduksjonskonvensjonen og søkarar frå Canada, som Noreg har ein bilateral avtale med.

Vi kan prioritere prosjekt som bidrar til betre kjønnsbalanse.

Vi kan prioritere prosjekt som bidrar til auka mangfald og representativitet.

Meir om ordninga