Bokmål Nynorsk

Idé- og manusutvikling dokumentar

NFI gir tilskot til manusutvikling (idéutvikling) av dokumentarprosjekt. Ordninga er retta mot regissørar og manusforfattarar, og skal sikre norsk film tilgang til originale, relevante og engasjerande dokumentarar med solid forankring i skaparleddet.

Kven kan søke

Profesjonelle manusforfattarar og regissørar.
Du må ha registrert enkeltpersonføretak i det norske einingsregisteret.
«Relevant utdanning på bachelornivå eller høgare» betyr til dømes filmskole med fagleg fordjuping i diktarisk/skapande virke, normalt manus eller regi. Andre utdanningar med tyngdepunkt i skapande verksemd innan dramatisk/audiovisuell fortelling kan også kvalifisere.
«Relevant yrkeserfaring» betyr til dømes at søker har skrive eller regissert ein film i langt format eller serie/episode som har vore i profesjonell distribusjon, som har blitt seld/kringkasta av ein nasjonal eller internasjonal TV-kanal/plattform, vore i vanleg kinodistribusjon eller blitt vist i eit selektert program i ein internasjonal festival. Scenedramatikk i profesjonell framføring og i tilsvarande omfang (heilaftans verk) kan òg bli vurdert som kvalifiserande.

Dette kan du søke om

Du kan til dømes søke tilskot til:

Gjennomgang av allereie sikra materiale/arkivmateriale
Eigen prøveklipp av materialet
Utvikling av grunnpilarane i forteljinga; tilgang, karakterane, historia, strukturen, setting og tematikk
Synleggjere det dramatiske ambisjonsnivået og potensiale for forteljinga
Utarbeide logline, pitch, karakterbeskriving og andre tekster som er relevante for konkretisering og presentasjon av prosjektet
Utarbeide treatment eller manus
For dokumentarseriar gis tilskot fram til revidert manus eller treatment for første episode, samt episode-synopsis.
Det gis normalt ikke tilskudd til prosjekter som har vært eller er i utvikling i andre ordninger hos NFI.

Vi gir ikkje tilskot for opptak av nytt materiale gjennom denne ordninga.

Vilkår for tilskot

Du må sende inn søknaden før du begynner på arbeidet som du søkar tilskot til.
Du kan berre ha eitt prosjekt i ordninga om gangen.
Søknaden og søknadsdokumenta skal vere på norsk. Vi kan gjere unntak frå språkkravet på heile eller delar av søknaden.
Manuskript eller litterært førelegg er originalskrive på norsk eller samisk. 
Hovudtemaet er knytt til norsk historie, kultur eller samfunnsforhold.
Handlinga utspeler seg i Noreg eller eit anna EØS-land.
Verket har vesentleg bidrag frå opphavspersonar eller utøvande kunstnarar busett i Noreg eller eit anna EØS-land.
Les meir om kulturtesten her.
Dersom det er søkt med same prosjekt i denne ordninga meir enn to gonger tidlegare, skal det leverast ein oversikt over kva substansielle endringar som er gjort i prosjektet sidan førre søknad.

Prioritering og vekting av søknaden

Vi gjer ei heilskapleg skjønnsmessig vurdering av søknadane opp mot kvarandre og legg særleg vekt på:

Vi vurderer prosjektet ut frå forteljetekniske, produksjons- og marknadsmessige forhold og ambisjonar, med spesiell vekt på den kunstnariske kvaliteten.
Utviklingsprosjekt utan tilknytt regissør blir ikkje prioritert.
Vi kan prioritere prosjekt som bidrar til betre kjønnsbalanse i norsk film.
Vi kan prioritere prosjekt som bidrar til auka mangfald og representativitet.

Meir om ordninga

Tilskotsordninga skal stimulere til utvikling av idear eller manuskript til audiovisuelle verk av høg kunstnarisk og profesjonell kvalitet. Ordninga skal bidra til kontinuitet og profesjonalitet i utviklingsarbeidet, og sikre et breitt og mangfaldig repertoargrunnlag for alle målgrupper.
Ordninga skal legge til rette for grundig og fagleg arbeid og fordjuping i tidleg utvikling av dokumentarprosjekt.
Det gis tilskot med et fast beløp på 100.000 kroner eller 150.000 kroner - etter NFI si vurdering av arbeidets omfang.
Det gis tilskot i éin fase.
- Tidlegare resultat, oversikt over relevant utdanning og lenke til tidlegare produserte arbeid
- Idébeskriving (maksimalt éi side)
- Regivisjon/ambisjon for prosjektet
- Ein tydeleg plan for idéutviklingsperioden – med konkrete avleveringsmål
- Dersom prosjektet har ei opphavsrettsleg historikk, må du legge ved dokumentasjon på at du har rettane til å utvikle manuskriptet.
- Plan for utviklingsarbeidet.
- Dersom det er søkt med same prosjekt i denne ordninga meir enn to gonger tidlegare, skal det leverast ein oversikt over kva substansielle endringar som er gjort i prosjektet sidan førre søknad
Levert materiale vil normalt bestå av ei eigenevaluering av utviklingsarbeidet, treatment, kort resyme av handlinga, beskriving av karakterar og eventuelt også testmateriale. Leveringa skal synleggjere potensialet i å utvikle prosjektet videre.
Du finn alle detaljerte krav til søknaden i søknadsportalen
Dokumentarfilmkonsulent og rådgivar vurderer søknadene.
Sjå her for ei beskriving av korleis vi saksbehandlar i NFI.

Tidlegare tildelinger i denne ordninga

Tildelinger
Dato for vedtak	Prosjekttittel	Ordning	Søker	Tildelt	Utvid for flere detaljer
Ingen resultater

Kontaktpersoner

Helen Prestgard

Produksjonsrådgiver - Dokumentar og Neo

+47 469 05 002 [email protected]