Bokmål Nynorsk

Manusutvikling fiksjon

NFI gir tilskot til manusutvikling av fiksjonshistorier for spelefilm og dramaseriar. Ordninga rettar seg mot profesjonelle manusforfattarar og skrivande regissørar. Målet med tilskotsordninga er å sikre norsk film tilgang til originale, relevante og engasjerandre historier med solid forankring i skaparleddet.

Kven kan søke

Profesjonelle manusforfattarar, serieskaparar og skrivande regissørar.
Du må ha registrert enkeltpersonføretak i Einingsregisteret i Brønnøysund.
«Relevant utdanning på bachelornivå eller høgare» betyr til dømes filmskole med fagleg fordjuping i diktarisk/skapande virke, normalt manus eller regi. Andre utdanningar med tyngdepunkt i skapande verksemd innan dramatisk/audiovisuell fortelling kan også kvalifisere.
«Relevant yrkeserfaring» betyr til dømes at søker har skrive eller regissert ein film i langt format eller serie/episode som har vore i profesjonell distribusjon, som har blitt seld/kringkasta av ein nasjonal eller internasjonal TV-kanal/plattform, vore i vanleg kinodistribusjon eller blitt vist i eit selektert program i ein internasjonal festival. Scenedramatikk i profesjonell framføring og i tilsvarande omfang (heilaftans verk) kan òg bli vurdert som kvalifiserande.

Dette kan du søke om

Du kan søke om tilskot til utvikling i to fasar: Fase 1 – Idé og Fase 2 – Manuskript.

Det blir normalt ikkje gitt tilskot til prosjekter som har vore i utvikling i andre ordningar hos NFI. Det kan bli gjort unntak for prosjekter frå Idéutvikling fiksjon (tidlegare VIP-stipend). Disse kvalifiserer til å søke Fase 2 – Manuskript, men ikkje Fase 1 – Idé.

Vilkår for tilskot

Du må sende inn søknaden før du begynner på arbeidet som du søkar tilskot til.
Du kan berre ha eitt prosjekt i ordninga om gongen.
Du må ha fått tilskot til Fase 1 for å kunne søke om tilskot til Fase 2.
Søknaden og søknadsdokumenta skal vere på norsk. NFI kan gjere unntak frå språkkravet på heile eller delar av søknaden. Du må søke rådgivar om dette før du sender søknaden.
Manuskript eller litterært førelegg er originalskrive på norsk eller samisk. 
Hovudtemaet er knytt til norsk historie, kultur eller samfunnsforhold.
Handlinga utspeler seg i Noreg eller eit anna EØS-land.
Verket har vesentleg bidrag frå opphavspersonar eller utøvande kunstnarar busett i Noreg eller eit annet EØS-land.
 Les meir om kulturtesten her
Dersom det er søkt med same prosjekt i denne ordninga meir enn to gonger tidlegare, skal det leverast ein oversikt over kva substansielle endringar som er gjort i prosjektet sidan førre søknad.

Prioritering og vekting av søknaden

Vi gjer ei heilskapleg skjønnsmessig vurdering av søknadane opp mot kvarandre og legg særleg vekt på:

Forteljartekniske, produksjons- og marknadsmessige forhold, med spesiell vekt på den kunstnariske kvaliteten. NFIs kunstnariske kvalitetskriterium blir brukt som verktøy i utveljinga. Les meir om dei kunstnariske kvalitetskriteria her

Vi kan prioritere prosjekt som bidrar til betre kjønnsbalanse.

Vi kan prioritere prosjekt som bidrar til auka mangfald og representativitet.

Meir om ordninga

Tilskotsordninga skal stimulere til utvikling av idear eller manus til audiovisuelle verk av høg kunstnarisk og profesjonell kvalitet.
Ordninga skal bidra til kontinuitet og profesjonalitet i utviklingsarbeidet og sikre eit breitt og mangfaldig repertoargrunnlag for alle målgrupper.
Manusordninga skal leggje til rette for at manusforfattarane sjølve styrer prosjekta sine, synleggjer mål og ambisjonar for arbeidet, og sjølve involverer dei ressursane som prosjektet treng for å nå sitt fulle potensiale.
Tilskotet skal leggje til rette for grundig arbeid og fagleg fordjuping i utviklinga av manuskripta.
Du kan få eit fast beløp på 250.000 kroner per fase.
- Tidlegare resultat, oversikt over relevant utdanning og tidlegare arbeid med profesjonell framvising eller distribusjon.
- Ein tydeleg plan for ideutviklingsperioden – med konkrete avleveringsmål.
- Forfattarvisjon/ambisjon for prosjektet.
- Dersom prosjektet har ein opphavsrettsleg historikk, må du legge ved dokumentasjon på at du har rettar til å utvikle manuskriptet.
- Plan for utviklingsarbeidet, inkludert val av ekstern dramaturg eller anna samarbeid om utviklinga med tredjepart.
- Dersom det er søkt med same prosjekt i denne ordninga meir enn to gonger tidlegare, skal det leverast ein oversikt over kva substansielle endringar som er gjort i prosjektet sidan førre søknad.
Du finn alle detaljerte krav til søknaden i søknadsportalen.
Spelefilmkonsulent og talentkoordinator vurderer søknadene.
Sjå her for ei beskriving av korleis vi saksbehandlar i NFI.

Tidlegare tildelinger i denne ordninga

Tildelinger
Dato for vedtak	Prosjekttittel	Ordning	Søker	Tildelt	Utvid for flere detaljer
Ingen resultater

Kontaktpersoner

Nedin Mutic

Inkludering- og talentrådgiver

+47 995 38 485 [email protected]