Neo idéutvikling

Kven kan søke

• Profesjonelle manusforfattarar, serieskaparar og skrivande regissørar som ønsker å utvikle sitt første prosjekt i langt format

  Langt format omfattar både spelefilm, lang dokumentar, episodisk fortelling innan fiksjon og dokumentar, eller eit lengre hybrid prosjekt.

• Unntaksvis kan det vere din andre film/serie, dersom du i din debut ikkje har fått vist ditt kunstnariske potensial.
• Du må gjennom tidlegare verk ha manifestert eit talent

  Med manifestert talent meiner vi at ein har laga éin eller fleire fiksjons-, dokumentar,- eller hybridproduksjonar som har framvist filmatiske kvalitetar, er blitt vist i ein offentleg og profesjonell samanheng , og/eller har klart å sette dagsorden og skape debatt

• Du må ha relevant utdanning på bachelornivå eller høgare, eller kunne dokumentere relevant yrkeserfaring frå den audiovisuelle bransjen

  Relevant utdanning på bachelornivå eller høgare betyr til dømes filmskole med fagleg fordjuping i diktarisk/skapande virke, normalt manus eller regi. Andre utdanningar med tyngdepunkt i skapande verksemd innan dramatisk/audiovisuell fortelling kan også kvalifisere.

  Relevant yrkeserfaring betyr at du har erfaring frå ditt virke eller andre relevante funksjonar. Scenedramatikk i profesjonell oppføring (minst heilaftans verk), kan vurderast som kvalifiserande.

• Du må ha registrert enkeltpersonsføretak i det norske Einingsregisteret. 

Dette kan du søke om

• Du kan søke om å utvikle idéen din i form av skriftleg materiale og/eller visuelt materiale/pilot for å gjere synleg idéen/prosjektets potensial både cinematisk og dramaturgisk.
• Det gis tilskot i éin fase.
• Det gis ikkje tilskot til prosjekt som er i utvikling i andre ordningar hos NFI.

Reisekostnader knytt til Neo-samlingar og arrangement kan inkluderast i utviklingsbudsjettet.

Vilkår for tilskot

• Du må sende inn søknaden før du begynner på arbeidet som du søkar tilskot til.
• Søknaden og søknadsdokumenta skal vere på norsk. NFI kan gjere unntak frå språkkravet på heile eller delar av søknaden. Du må søke rådgivar om dette før du sender søknaden. 
• Dersom det er søkt med same prosjekt i denne ordninga meir enn to gonger tidlegare, skal det leverast ein oversikt over kva substansielle endringar som er gjort i prosjektet sidan førre søknad. 

Prioritering og vekting av søknaden

Vi vurderer prosjektet ut frå kunstnariske kvalitetar og ambisjonar, samt regissørens/manusforfattarens talent og erfaring. NFIs kriterium for kunstnarisk kvalitet kvalitetskriterier blir brukt som eit verktøy i utveljinga. Les meir om kriteria for kunstarisk kvalitet her. 

• Vi kan prioritere søkarar og prosjekt som bidrar til auka mangfald
• Vi kan prioritere søkarar og prosjekt som bidrar til betre kjønnsbalanse
• Vi kan prioritere filmskaparar som søker med sitt første prosjekt i langt format og prosjekt som ikkje har fått tilskot frå NFI tidlegare.
• Vi kan prioritere nye idéar og prosjekt som har eit tydeleg lågbudsjettpotensial.

Meir om ordninga