Utvikling av dramaserier etter kunstnarisk vurdering

Kven kan søke

• Uavhengige produksjonsselskap i Noreg eller innan EØS som har audiovisuell produksjon som hovudformål.
• Føretaket kan ikkje ha det offentlege som hovudeigar eller ha vesentlege forretningsmessige forbindelsar til prosjektets primære visningsplattform.
• Føretaket må vere organisert som aksjeselskap
• Føretaket må vere registrert i det norske einings- eller føretaksregisteret 
• Søkaren skal kunne dokumentere tilfredsstillande økonomisk, fagleg og praktisk evne til å gjennomføre prosjektet og vere ansvarleg for rekneskapen i prosjektet. Se også vilkår for tilskot. 

Dette kan du søke om

• Du kan søke om utviklingstilskot til å utvikle et prosjekt fram til det kan tas avgjerd om produksjon.
• Du kan søke om fleire utviklingsfasar.
• NB: Søknader om tilskot til utvikling i denne ordninga er først og fremst retta mot dei prosjekta som ikkje fell inn under NFIs primære tilskotsordning for utvikling av dramaseriar, ordninga om utvikling av dramaseriar etter marknadsvurdering. 

Vilkår for tilskot 

• Du må sende inn søknaden før du begynner på arbeidet som du søker tilskot til. Du må ha inngått ein forpliktande utviklingsavtale med ein visningsplattform om vesentleg finansiering av fasen det blir søkt om. 
• Du må dokumentere at du har dei nødvendige rettane til prosjektet

  Frå «Forskrift om tilskudd til audiovisuell produksjon, § 3-3. Vilkår»: 

  Søker skal dokumentere å ha inngått avtaler med de som har rettighetene etter åndsverkloven. Dette innebærer at søker besitter eller kan erverve alle nødvendige rettigheter for realisering av det audiovisuelle verket, og at søker uten begrensninger kan inngå avtaler om salg, distribusjon og visning av det ferdige audiovisuelle verket. 

  Ved engasjement av rettighetshavere skal søker ved ethvert tilfelle følge de gjeldende kollektive avtalene med bransjens organisasjoner. 

  Etter aksept av tilbud om tilskudd skal tilskuddsmottaker besitte de nevnte rettigheter. Tilskuddsmottaker skal også, uten begrensninger, ha de nødvendige rettigheter for den eksklusive forvaltning av rettigheter i det audiovisuelle verket, samt den økonomiske forvaltning av det audiovisuelle verket. 

  Tilskuddsmottaker kan inngå avtaler som gir tredjepart utnyttelsesrett (lisens) til salg, distribusjon og visning av det audiovisuelle verket forutsatt at avtalene er tidsavgrensede og geografisk avgrensede, men kan ikke overdra eierskap til immaterielle rettigheter til eller i det audiovisuelle verket.» 

  Investorars krav i prosjektets inntektsstraum er ikkje avgrensa av definisjonane over. 

• Visningsplattforma må vere tilgjengeleg for alle i Noreg og ha ein brei marknadsandel i Noreg.
• Nøkkelpersonar i prosjektet må ha betydeleg erfaring innan sitt fagfelt. 
• Søknaden må gjelde eit kulturprodukt som oppfyller minst tre av dei fire punkta i kulturtesten

  • Manuskript eller litterært førelegg er originalskrive på norsk eller samisk. 
  • Hovudtemaet er knytt til norsk historie, kultur eller samfunnsforhold.
  • Handlinga utspeler seg i Noreg eller eit anna EØS-land.
  • Verket har vesentleg bidrag frå opphavspersonar eller utøvande kunstnarar busett i Noreg eller eit anna EØS-land.

  Les meir om kulturtesten her. 

Prioritering og vekting av søknaden

Vi gjer ei heilskapleg skjønnsmessig vurdering av søknadane opp mot kvarandre og legg særleg vekt på: 

• Forteljartekniske, produksjons- og marknadsmessige forhold, med spesiell vekt på den kunstnariske kvaliteten og prosjektets relevans i si samtid. NFIs kunstnariske kvalitetskriterium blir brukt som verktøy i utveljinga. Les meir om dei kunstnariske kvalitetskriteria her.
• Vi kan prioritere seriar retta mot målgruppa barn og unge, samt originalskrivne seriar og produksjonar med internasjonalt potensiale.
• Vi vil prioritere tilskot som bidrar til å løfte seriens kvalitetar utover det dei respektive visningsplattformene bidrar med.
• Vi kan prioritere prosjekt som bidrar til å betre kjønnsbalansen i norsk film.
• Vi kan prioritere prosjekt som bidrar til auka mangfald og representativitet.

Meir om ordninga