Utvikling av kortfilm etter kunstnarisk vurdering

Kven kan søke

• Søkaren skal vere eit uavhengig produksjonsselskap i Noreg eller i eit anna EØS-land, og som har audiovisuell produksjon som hovudformål.
• Produksjonsselskapet kan ikkje ha det offentlege som hovudeigar eller ha vesentlege forretningsmessige forbindelsar til prosjektets primære visningsplattform.
• Føretaket må vere organisert som aksjeselskap
• Føretaket må vere registrert i det norske einings- eller føretaksregisteret 
• Søkaren kan bli vurdert med annan organisasjonsform eller utan nøkkelmedarbeidarar med betydeleg profesjonell erfaring. I vurderinga skal det leggjast vekt på prosjektets storleik, kompleksitet og budsjett.
• Søkaren skal kunne dokumentere tilfredsstillande økonomisk, fagleg og praktisk evne til å gjennomføre prosjektet og vere ansvarleg for rekneskapen i prosjektet. Sjå også vilkår for tilskot.

Dette kan du søke om

• Du kan søke om utviklingstilskot fram til produksjonsavgjerd.
• Det gis ikkje tilskot til manusutvikling av kortfilm.
• Utvikling kortfilm er primært retta mot animasjonsfilmar, prosjekt med ein spesiell eller annleis arbeidsmetode og virtual eller artificial reality (VR/AR)-filmar.

Vilkår for tilskot

• Du må sende inn søknaden før du begynner på arbeidet som du søkar tilskot til og før det er tatt produksjonsavgjerd. 
• Du må dokumentere at du har dei nødvendige rettane til prosjektet

  Frå «Forskrift om tilskudd til audiovisuell produksjon», § 3-3. Vilkår»: 

  «Søker skal dokumentere å ha inngått avtaler med de som har rettighetene etter åndsverkloven. Dette innebærer at søker besitter eller kan erverve alle nødvendige rettigheter for realisering av det audiovisuelle verket, og at søker uten begrensninger kan inngå avtaler om salg, distribusjon og visning av det ferdige audiovisuelle verket. 

  Ved engasjement av rettighetshavere skal søker ved ethvert tilfelle følge de gjeldende kollektive avtalene med bransjens organisasjoner. 

  Tilskuddsmottaker skal besitte og alene ha den nødvendige rett til å råde over slike rettigheter når tilbud om tilskudd aksepteres.

  Tilskuddsmottaker skal også, uten begrensninger, ha de nødvendige rettigheter for den eksklusive forvaltning av rettigheter i det audiovisuelle verket, samt den økonomiske forvaltning av det audiovisuelle verket. 

  Tilskuddsmottaker kan inngå avtaler som gir tredjepart utnyttelsesrett (lisens) til salg, distribusjon og visning av det audiovisuelle verket forutsatt at avtalene er tidsavgrensede og geografisk avgrensede, men kan ikke overdra eierskap til immaterielle rettigheter til eller i det audiovisuelle verket».

  Investors krav i prosjektets inntektsstraum er ikkje avgrensa av definisjonane over.

• Dersom det er søkt med same prosjekt i denne ordninga meir enn to gonger tidlegare, skal det leverast ein oversikt over kva substansielle endringar som er gjort i prosjektet sidan førre søknad. 
• Søknaden må gjelde eit kulturprodukt som oppfyller minst tre av dei fire punkta i kulturtesten

  Manuskript eller litterært førelegg er originalskrive på norsk eller samisk. 

  Hovudtemaet er knytt til norsk historie, kultur eller samfunnsforhold.

  Handlinga utspeler seg i Noreg eller eit anna EØS-land.

  Verket har vesentleg bidrag frå opphavspersonar eller utøvande kunstnarar busett i Noreg eller eit anna EØS-land.

  Les meir om kulturtesten her. 

Prioritering og vekting av søknaden

Vi gjer ei heilskapleg skjønnsmessig vurdering av søknadane opp mot kvarandre og legg særleg vekt på:

• Forteljartekniske, produksjons- og marknadsmessige forhold, med spesiell vekt på den kunstnariske kvaliteten. NFIs kunstnariske kvalitetskriterium blir brukt som verktøy i utveljinga. Les meir om dei kunstnariske kvalitetskriteria her 
• Regissørens kunstnariske resultat vil bli særleg vektlagt i prioriteringa.

Vi kan prioritere prosjekt som bidrar til betre kjønnsbalanse.

Vi kan prioritere prosjekt som bidrar til auka mangfald og representativitet.

Meir om ordninga